#
#
ІНТЭРНЭТ-АПТЭКА
BY
Хуткі пошук лекаў у аптэках

Адмiнiстрацыйныя працэдуры

Галоўная/Аб прадпрыемстве / Адмiнiстрацыйныя працэдуры

Пералік адміністрацыйных працэдур, што ажыццяўляюцца РУП "Белфармацыя", у адносінах да юрыдычных асоб і індывідуальных прадпрымальнікаў:

 

1. Праверка кожнай серыі (партыі) або часткі серыі (партыі) зарэгістраванага ў Рэспубліцы Беларусь лекавага сродку замежнай вытворчасці на адпаведнасць патрабаванням нарматыўнага дакумента вытворцы да паступлення ў рэалізацыю.

 

Пералік неабходных дакументаў:

 

- заява,

 

- акт адбору ўзораў лекавага сродку ў двух экземплярах,

 

- узоры лекавага сродку,

 

- арыгінал або завераная дылерам (дыстрыбутарам) копія, а таксама завераная заяўнікам копія дакумента вытворцы лекавага сродку, які пацвярджае якасць лекавага сродку,

 

- арыгіналы і завераныя заяўнікам копіі дакументаў, якія пацвярджаюць увоз лекавага сродку на тэрыторыю Рэспублікі Беларусь (дыстрыб'ютарскі (дылерскі) дагавор, заключаны юрыдычнай асобай або індывідуальным прадпрымальнікам з вытворцам  лекавага сродку, або дагавор (кантракт) куплі-продажу (пастаўкі), заключаны з вытворцам лекавага сродку або яго афіцыйным дыстрыбутарам (дылерам), прадстаўляюцца пры першай пастаўцы лекавага сродку на тэрыторыю Рэспублікі Беларусь і першым звароце ў акрэдытаваную выпрабавальную лабараторыю на працягу каляндарнага года),

 

- арыгінал і завераная заяўнікам копія дакумента, які пацвярджае дыстрыб'ютарскія (дылерскія) правы, прадстаўляюцца пры першай пастаўцы лекавага сродку на тэрыторыю Рэспублікі Беларусь і першым звароце ў акрэдытаваную выпрабавальную лабараторыю на працягу каляндарнага года,

 

- арыгінал і завераная заяўнікам копія спецыфікацыі да дагавору (кантракту) куплі-продажу (пастаўкі) лекавага сродку, у якой павінны быць указаны назва лекавага сродку, найменне вытворцы, краіна-вытворца, лекавая форма, доза, колькасць упаковак і кошт лекавага сродку (арыгіналы дакументаў пасля іх зверкі з копіямі вяртаюцца заяўніку).

 

2. Праверка кожнай серыі (партыі) зарэгістраванага ў Рэспубліцы Беларусь лекавага сродку айчыннай вытворчасці на адпаведнасць патрабаванням фармакапейнага артыкула вытворцы, фармакапейных артыкулаў Дзяржаўнай фармакапеі Рэспублікі Беларусь да паступлення ў рэалізацыю.

 

Пералік неабходных дакументаў:

 

- заява,

 

- акт адбору узораў лекавага сродку ў двух экземплярах,

 

- узоры лекавага сродку, арыгінал або завераная заяўнікам копія дакумента вытворцы лекавага сродку, якi пацвярджае яго якасць,

 

- завераная заяўнікам копія дагавора (кантракта) куплі-продажу (пастаўкі), заключанага з вытворцам лекавага сродку, які пацвярджае закупку лекавага сродку на тэрыторыі Рэспублікі Беларусь (не прадастаўляецца, калі заяўнікам з'яўляецца вытворца лекавага сродку),

 

- завераная заяўнікам копія таварна-транспартнай накладной (не прадастаўляецца, калі заяўнікам з'яўляецца вытворца лекавага сродку).

 

Тэрміны ажыццяўлення адміністрацыйных працэдур:

 

1 месяц - пры правядзенні праверкі якасці лекавага сродку на адпаведнасць патрабаванням нарматыўнага дакумента вытворцы па ўсіх фізіка-хімічных паказчыках і раздзелах "Упакоўка", "Маркіроўка"

15 дзён - пры правядзенні праверкі якасці лекавага сродку на адпаведнасць патрабаванням нарматыўнага дакумента вытворцы па асобных паказчыках і раздзелах "Упакоўка", "Маркіроўка"

7 дзён - пры правядзенні праверкі якасці лекавага сродку на адпаведнасць патрабаванням нарматыўнага дакумента вытворцы па паказчыку "Апісанне" і раздзелах "Упакоўка", "Маркіроўка"

 

Праверку якасці лекавага сродку і выдачу пратакола выпрабаванняў яго ажыццяўляе кантрольна-аналітычная лабараторыя РУП «Белфармацыя» па адрасе г.Мінск, вул. Сцебянёва, 6

 

Прыём узораў і выдача вынікаў ажыццяўляецца:

 

Панядзелак-чацвер з 10.00 да 15.00

Абедзенны перапынак з 12.00 да 12.30

 

Кантактны тэлефон: +375 (17) 378-71-86.

 

Загадчык Нікіфарава Вольга Алегаўна

Намеснік загадчыка Легастаява Святлана Міхайлаўна